வர வரவே தட்சணைதான் தம்பி - இங்கு
வழக்கமான பழக்கமாச்சு தம்பி ! - இது
தர தரத்தான் பெருகிடுது தம்பி ! - இது
தருபவரின் குற்றமன்றோ தம்பி !
'மளமள ' வென பெற்றோர்கள் தம்பி ! - தம்
மக்கட்கு மணமுடிக்க எண்ணி !
'பலபல ' வாய் இன்னலுற்றே தம்பி ! - இங்கு
தட்சணைதான் கொடுத்திடுவார் அள்ளி !
'பளபள 'க்கும் பொன்னகைகள் கேளாய் தம்பி ! - நீ
கலகலக்கும் 'புன்னகை'தான் கேட்பாய் தம்பி !
'சிலசில'ராய் சேர்ந்திடுவீர் தம்பி ! - இந்த
சிறுசெயலை ஒழித்திடுவீர் தம்பி !
